[Commentaire zum Minister Frieden sengen Aussoen an der Reportage iwwert d'Police am RTL-Journal vum 24. September 2008]

Do leeft et engem dach kaal de Reck erof, wann een d’Reportage um RTL zu dem Police-Thema gesäit. Net awer wéinst RTL, nee wéinst der Aussoe vum Luc Frieden. Hien hätt kee Fehler gemaach. FALSCH! Falsch Häerr Frieden. Et ass *äeren* Numm deen ennert dem Gesetzestext steet an domatter hudd dir genee esou schlecht gehandelt ewéi déi 59 Députéiert, déi vir den Text gestemmt hunn. Dir hudd awer och keng Grimmel manner Schold un dem aktuell Problem.

Dir wollt mat dem ursprünglechen Gesetz äeren Draam vum KONTROLLSTAAT LËTZEBUERG wéider dreemen. Nodeems dir Kamera’en opgeriicht hudd an gleichzäiteg zouginn hudd, dass do net permant een déi Video giff kucken, hudd dir Irch schons läscherlech gemaach. Dass de Chef vu Scotland Yard elo schons 3 Mol (!!) a kuerzer Zäit behaapt huet, dass Kamera’en hinnen méi SCHUEDEN ewéi hellefen ass ewuel nach net an äerem Büro ukomm. Oder? Zum Glëck, zum Glëck gouft dir op dësem Dossier vun aaneren Partei’en gestoppt. Zum Glëck hunn sech d’DP an déi Gréng staark gemaach. Zum Glëck ginn et Léit déi hier Rechter gäeren behaalen. Zum Glëck ginn et Léit, déi esouer ewéi Iech, am Wee stinn. “Mir wäerten eis emmer begéinen“, haat d’Madame Flesch (DP) an der Chamber gesoot gehaat an huet ugekennegt, dass dann géing giff géint äeren “Big Brother Staat” gekämpft wäert ginn. Déi jonk Gréng hu net méi spéit ewéi d’läscht Woch mat der Aktioun “Luxembourg’s Next Top-Premier: Who Watches the Watchers” kloër gemaach, dass Dir et och no der Summerpaus net einfach wäert kréien.

Wann Dir et net fäerdeg bréngt fir e Gesetzestext zeschréiwen, deen keen Polizeistaat mat sech bréngt, dann hudd Dir ewuel besser äere Büro zeraumen. Dir hudd et net fäerdeg bruecht an elo gidd der déi Léit attackéieren, déi sech fir d’Fräiheet vun den lëtzebuergeschen Bierger asetzen. Domatter attackéiert Dir nach eng Kéier alleguerten d’lëtzebuerger Bierger.

Wann ech gliwwt Häerr Frieden fänkt emol un en Erwuessenen zeginn. Fänkt emol un Responsablitéit fir äer Handlungen z’iwwerhuelen. Fänkt emol un fir d’Lëtzebuerger eppes zemaachen. Fänkt emol un mat richteg rechnen, graad elo ewou de Budget opgestallt gett ass dat wahrscheinlech e gudden Tipp.

Wann een e Fehler gemaach huet an dann déi aaner dofir vernennt dat ass net Erwuessen an dat ass engem Politiker och net wüerdeg. Soot emol schéin no:
“Ech hun e Fehler gemaach. Ech hun e Fehler gemaach. Ech hun e Fehler gemaach.”

Wann Dir denkt, dass der op eng Spillschoulskand-Art a Wéis kennt d’Lëtzebuerger vun äerem Kontrollstaat iwwerzeegen, hudd Dir Irch awer méi ewéi nemmen geschnidden. Mir wäerten och wéider fir äis Fräiheet kämpfen, a mir wäerten secher, ganz secher WEDER bei Ierch NACH bei äerer Partei nächste Junie e Kräiz maachen. Dofir hu mir eis Fräiheet, déi mer geschenkt kritt hunn, déi eis Grousspäpp sech vrun eppes méi ewéi 60 Joër nach eng Kéier erkämpft hunn, vill zevill gäeren. An esouguer nach méi fir dat ze luewen, waat eis Grouspäpp gemaach hun, wäerte mir äeren Draam wéider staark refuséieren a bekämpfen.

Ewéi d´ Ethel Barrymore gesoot huet: “You grow up the day you have your first real laugh — at yourself.”
Momentan laache mir awer nemmen IWWERT Iech. Oder eigentlech ass et scho baal zetraureg, wëll Dir eise Minister sidd. Mir fänken scho baal un mat kräischen!

Also Häerr Luc Frieden, gidd endlech en Erwuessenen, ceci dit huelt VERANTWORTUNG wann eng Saach vun Iech schiif gaangen ass.
Merci!

Quelle : oppenenbreif.wordpress.com