Schreiben der "Protection civile"

Léif Kollegen a Kolleginnen.

E Sonndeg den Owend ass ee vun onse Kollegen vun der Brigade volante zu
Stadtbredimus ugehaal well en ze séier duurch d'Uertschaft gefuer ass
wéi e sollt op Réimech d'Ambulanz siche fueren fiir an den Nopeschzenter
(Gréiwemaacher) op eng réa mat samu ze fueren. Hie krut op der Plaatz de
Führerschäin oofgeholl. Wéi en zum Polizist soot " Da loosst méch
wéinstens op mäin Asaatz fueren, ech kommen da moar bei eech op de Büro
" krut e geäntwert (sënngeméiss): "Dir fuert elo an die nächst Zäit
néierens méi !" Onse Kolleg: "A waat geschit mat eisem Patient" ?
Äntwert: "Daat ass mir egal, dat ass äre Problem."

No deem se gut 10 Minutten opgehaal gi woaren (säit der Alerte woaren
schon 20 Minutte vergaang an et woar nach ëmmer keng Ambulanz ënnerwee
op déi urgence) ass dann dem Kolleg seng Frëndin op den Asaatz gefuer
déi awer nët esou vill Routine huet fiir Eildéngscht ze fueren an et ass
iwerflësseg ze soen dass d'Patientin dout woar wie si ukomm sin. Opschon
ech ënner ménger perséinlecher Responsabilitéit scho Kontakt mat engem
ganz nahmhaften Affekot opgeholl hun (-vu dass ech jo meng Fonctioun als
Zenterchef aus Altersgrënn oofgeluecht hun brauch ech op kee méi
Rücksicht ze huelen) wärd juristesch nët ganz vill ze maachen sin well
de Polizist jo no sénge Paragraphen alles richteg gemaat huet waat jo
och keen a Fro stellt, a vun gesondem Mënscheverstand steet näischt am
Code de la route, wärd ech derfiir suurgen, dass daat hei bis an deen
allerleschten Eck vum Land public gemaat gët a wann et muss sin iwer de
Feierkroop, Lëtzebuurg Privat, eng Flut u Leserbréiwer an den Nohl op de
Kapp.

ALL Volontaire soll sech bewosst sin waat eis Ministeren an dee STAAT
fiir den se sech d'Gesondheet ruinéieren, op Privat-Liewen verzichten an
de Réck futti maachen ënner Opwertung vum Volontariat verstin an als
waat en sie ukuckt a behandelt: Nët als Partner déi dem Land en
onbezuelbaren a wertvollen Déngscht leeschten mee sls LESCHTEN DRECK !

Eise Kolleg, deen op Schichte schafft an de Führerschäin onbedéngt
brauch huet sech elo seng jonk EXISTENZ RUINÉIERT an daat ass all Merci
deen en dervun huet. Well ech als "ausgedéngten" Zenterchef nët well
dass nach aaner Kollegen esou schäbeg bäilaafen, well ech se wéinstens
warnen waat sie risquéieren wann se sech fiir aaner Leit asetzen an
dobäi hinnen 1 Mol e faux-pas ënnerleeft, nach nët mol aus Rowdytum oder
schlechtem Wëllen mee einfach nëmmen aus Suerg ëm dee Patient ! Sie
sollen sech gut iwerléen op et daat wert as, well als Merci kréien se
jhust en décke Fouss hannebäi ! Well ech leider nët méi d'e-mail
Adressen vun all Zenterchef hun: Schéckt daat hei jiderengem virun deen
der kennt well et soll all Member sech bewosst sin waat e vun dem Staat
hei ze erwoarden huet.

KETTENHOFEN Paul Remich